Industry Days аясындағы режиссермен ашық диалог форматында басты шара – көрермендер залдан сұрақтар қоя алады. Кинематографтың қоғамдағы рөлі және режиссердің мамандықтағы жолы туралы әңгіме.

Брийанте Мендоса — 2009 жылы «Қасапхана» (Kinatay) фильмі үшін Канн фестивалінің Үздік режиссерлік сыйлығын жеңіп алған алғашқы филиппиндік режиссер және продюсер, сонымен қатар Францияның өнер және әдебиет орденінің иегері болған алғашқы филиппиндік. Мендосаның «Минданао» (2019), «Мама Роза» (2016), «Тұзақ» (2015), «Құрсақ» (2012) және «Лола» (2009) фильмдері де Берлин мен Венециядағы кинофестивальдерге қатысып, жеңіске жетті. Мендоса филиппиндік жас кинематографистерді және Филиппинде кино білімін арттыруды үнемі қолдайды: ол өз елінде кино қоры мен кинофестиваль құрды, сонымен қатар үнемі режиссерлік шеберлік сабақтарын өткізеді.

Брийанте Мендоса өзінің режиссерлік тәжірибесі, кинематография мен импакт- киноның қазіргі рөлі, кино тілінің эволюциясы және Филиппин киноиндустриясының даму үрдістері туралы Алматы кинематографиялық жоғары оқу орындарының студенттерімен, киносыншылармен, Орталық Азия мен Азия аймағынан келген зерттеушілер мен кинорежиссерлармен әңгімелеседі.

Орталық Азия авторларының жаңа буынының киносы әлемдегі аймақтың бірегейлігі мен даралығы туралы түсінік қалыптастырады. Режиссерлер мен продюсерлер, номинанттар, қазылар алқасы мен сыйлықтың іріктеу комитетінің мүшелері, сондай-ақ Орталық Азиядағы киноиндустрияны дамытумен айналысатын институттардың өкілдері бүгін аймақтың киносы қандай болуы керек, ол қандай құндылықтарды көрсетеді, қалай дамып, әлемдік кинематографияға ене алады және жергілікті көрермендермен қалай диалог жүргізу керектігін талқылайды.